હતભાગી દીકરી

આજે મારી એક આંખમાંથી 

ખુશીઓનાં આંસુ છલકી રહ્યાં હતાં ; 

જયારે બીજી આંખમાંથી દર્દ અને વેદનાઓનો દરિયો !

ખુશીઓનાં આંસુ એટલા માટે કેમકે એ ક્રૂર જલ્લાદ સોનોગ્રાફી મશીનને હાથતાળી દઈ જન્મેલી આ -

બધી જ હયાત અને નસીબદાર દીકરીઓના અનમોલ હાસ્યને જોવાને કાયમ સદ્દભાગ્ય મળ્યું !

 ગર્ભમાં હૈયાફાટ આક્રંદ કરી

ચીસો પાડતી દીકરીઓ તમે હતભાગી છો,

કેમકે તમારી સુંદર આંખો

એ દુષ્ટ માતાપિતા અને ક્રૂર દુનિયાને

જુઓ એ પહેલાં ગર્ભમાં જ શૂળી પર ચઢાવી દેવામાં આવી !

 એક તો તમે,

એ દાનવ ડૉક્ટર અને હેવાન માતાપિતા આગળ

ચાલાક અને સમર્થ ન હતાં !

 અથવા દીકરીની હત્યાના પાપની

ભયાનક વિનાશકતા સમજાવી શકવા માટે

 અસમર્થ હતાં !

તેથીજ મારી આંખમાં આજે પણ

અસહ્ય દર્દ અને વેદનાઓનો દરિયો

ઝૂરી ઝૂરીને પળે પળ

વલોપાત કરી રહ્યો છે !