હોઠ આ ખૂલ્યાં નહીં.

લાગણીની વાત કહેવા હોઠ આ ખૂલ્યાં નહીં.

માંગવા એ પ્રેમને આ હાથ પણ ઊઠ્યા નહીં.

મેં લખી એવી ગઝલ કે શબ્દને ફાંફા પડ્યા,

ને કલમ સરકી બિચારી અર્થ કંઈ સૂજ્યા નહી.

આ તરફ આવી અને ચાલ્યાં ગયાં છે એ કશે,

તે છતાં પણ એ કદી મારું વદન ભૂલ્યા નહીં.

રોકવા'તા એમને મારે સડક પર ભીડમાં,

એટલું કહેવા ખભે પણ હાથ મેં મૂક્યાં નહીં.

શોધતા'તા એ "ખુશી" વર્ષો પછી આવ્યા હવે,

જો સફર લાંબી હતી પણ શ્વાસ એ ફૂલ્યા નહીં.