હમસફર

હું કદી કોઈની હમસફર ક્યાં હતી ?

કોઈના પ્રેમમાં તરબતર ક્યાં હતી ?

જિંદગી ના ભલે થોભતી હોય ત્યાં

તું ન આવે મજાની સફર ક્યાં હતી.

હો ગમે તેટલા પણ સગા શું થયું ?

વાત અંગત તારા વગર ક્યાં હતી.

ફૂલના સાથમાં કંટકો પાથર્યા 

સૂંઘવાને હવે એ જીગર ક્યાં હતી ?

ફૂલ ફોરમ બધે પ્રસરી તો હશે.

પણ હવે એ હવામાં અસર ક્યાં હતી ?

કાંઈ કહેવું નથી તું સમજદાર છે.

છોડ, મારી કદી પણ કદર ક્યાં હતી ?

તું જશે ક્યાંય ના એક'દિ આવશે

રાહ જોઈ ઘણી પણ સબર ક્યાં હતી ?