સુંદર વાત મારી રાખજો

એક સુંદર વાત, મારી રાખજો;

ને મને પ્રીતમજી, પ્યારી રાખજો.

જેમ ખીલે છે, ચમનમાં ફૂલડાં;

ખીલવા અંતર, કયારી રાખજો.

હોય મનમાં રંજ કે, રાખે ભરમ;

મૌનમાં સંવાદ, સાધી રાખજો.

આવ-જા વિશ્વાસની રહે પ્રેમથી;

એક એવી, શીત બારી રાખજો.

રોજ મ્હેફિલો સજે, બસ આપણી ;

હા, હૃદયમાં આશ સારી રાખજો.

દર્દ મળશે પણ ખરા થોડા છતાં ;

અંતમાં, અંતરને ઠારી રાખજો.

દુ:ખનાં તૂટી શકે, ડુંગર ભલે;

આ 'અમી-પ્રીતો' અમારી રાખજો.