હૈયે વાગ્યા તારી યાદોના બાણ

તનને ભીંજવે આ ચોમાસુ,

મનને ભીંજવે તારી યાદ,

મનનો મોર કરે થનગનાટ,

એક આ મોસમનો નશો,

બીજી તારી યાદનો નશો,

તન, મન ઝૂમી ઊઠે,

હૈયાના આકાશે રચાયું મોસમ

તારા પ્રેમનું મેઘધનુષ્ય,

જીવન બની ગયું મારું મોસમ

આ સપ્તરંગી મેઘધનુષ્ય મોસમ,

બહાર વરસે વર્ષા રીમઝીમ,

ભીતર તારી યાદો અનરાધાર,

મનની ધરતી બની હરિયાળી,

લીલો રંગ બધે પથરાયો,

મોરલા એ છેડ્યો કોઈ રાગ,

ધરતી બની ગઈ જાણે એક બાગ,

હૈયે વાગે, કોઈની યાદોના બાણ,

ધરતી બની ગઈ જાણે જીવંત ગઝલ,

વર્ષાએ પૂર્યા એમાં પ્રાણ.