હાર અને જીત

કૈક પાસા જીતવાનાં ને વળી કંઈ હારવાનાં,

આ બધી ઝંઝટ વચાળે કૈક સપનાં ધારવાનાં.

એક માણસ એકલો ઊભો હશે લાગી રહ્યું, 

રોજ બળતા જીવને શાંત્વનાંથી ઠારવાનાં.

લાલ ને કાળા બધા પાસા અહી દેખાય ને,

અવનવા વિસ્તારમાં આ આયખાને તારવાનાં.

કૈક પડછાયો કળાયો છે અહી તસ્વીરમાં,

વેરનાં વચનો બધા આ સ્નેહથી મારવાનાં.

ક્રોધને કંકાસમાં જીવન બધું ડોળાય તો,

સાવ સાચા કર્મને સમજણ સુધી વિસ્તારવાનાં