હા, અમે બહાર નીકળી શકતા નથી !

કરી છે ચઢાઈ એક મહાદાનવે,

લીધી છે લૂંટી અમ આઝાદી હવે,  

હા, અમે બહાર નીકળી શકતા નથી !

અપનાવ્યું છે શસ્ત્ર એણે સંક્રમણનું,  

કર્યો વાર ને બન્યું અમ ઘર કેદખાનું,

હા, અમે બહાર નીકળી શકતા નથી !

રહ્યો છે વિસ્તારી એ સામ્રાજ્ય પોતાનું,

હોય જ્યાં ભીડ -ભાડવાળું ટોળું સૌનું,  

હા, અમે બહાર નીકળી શકતા નથી !

રહ્યો છે વરસાવી કાળો કહેર કોરોના,

બચાવવા છે ત્યારે જન - જન દેશના,

હા, અમે બહાર નીકળી શકતા નથી !

નાથવા આ મહામારીના વિષેલા નાગને,  

લાવ્યા દેશમાં આ લોકડાઉનરૂપી કૃષ્ણને,

હા, અમે બહાર નીકળી શકતા નથી !

થયો છે સજ્જડ બંધ આખોય દેશ,  

બન્યો લાચાર માનવી ધરી એકલવેશ,  

હા, અમે બહાર નીકળી શકતા નથી !

રહ્યો છે ઘૂમી કોરોના એકલો રણમેદાને,

રહી ઘરમાં હરાવીશું કોરોના કાળને,

હા, અમે બહાર નીકળી શકતા નથી !