ગુર્જરી

તળપદી જો ન સમજાય તો માફ કરજો જાયા, બાકી મીઠ્ઠ્ડી તો છે કાઠિયાવાડી ભાષા

માથે ગાગર ને ચકા-ચકીની વાર્તા, ભાભા ઢોર ચારતાં છોકરાંઓની કાલી ઈ ભાષા,

પાટી-પેનમાં ધૂંટી-ઘૂંટી અક્ષરો ગોળ-ગોળ મોતી દાણા ઇ મારી વ્હાલી દિલની ભાષા

ભાણીબા ના માન ઘણાં ને ભાણા ભઈ મોંઘેરા, ફળિયું -મેડી-પાણીયારું બોલકી ભાષા,

વંડી ટપી ને માર્યા ધૂબાકા ધાબેથી ઝાઝેરા, અથાણા-અનાજ પકવો કેરી રમતી ભાષા

કિચુડ કિચુડ મોજડીયું ને લટકો ચટકો ગુર્જરી, સુંવાળું વ્હાલ વેરતી મોજીલી ઇ ભાષા.