ગઝલ અધૂરી રહી જશે

ધૂળ ચડી છે હવે તો આ વિચારોને,

હવે તો ખંખેર તું નહિતર અફસોસ રહી જશે,

હવે લોકો કરે છે સફેદ કપડે કાળા કામ,

એ ખુદા સમજાવ તો પણ દાગ રહી જશે,

બહુ વિચાર ના કર કહેવામાં તું,

નહિતર દિલની વાત દિલમાં જ રહી જશે,

કર્યા હતા તો એમને પણ સોગંધ કે,

થયા જો દૂર તો ત્યાં જ મારો અંત રહી જશે,

એ તો જતા રહ્યા યાદોના મહેલ છોડીને,

હવે એમની યાદોના ખંડહર રહી જશે,

નથી પરવા એમને તારી લાગણીઓની,

હવે તો બસ દિલ પર ઘાવ રહી જશે,

ભરી દે લાગણી શબ્દમાં તું 'ઘાયલ' ,

નહિતર ગઝલ અધૂરી રહી જશે.