STORYMIRROR

Ramesh Patel (Aakashdeep)

Inspirational

4  

Ramesh Patel (Aakashdeep)

Inspirational

ગબ્બર ગોખ ઝગમગે રે લોલ

ગબ્બર ગોખ ઝગમગે રે લોલ

1 min
398

માડી તારું મંદિરીયું ગગન ગોખ

કોટિકોટિ તારલિયાની દીવડી રે લોલ,


માડી તારી આરત શોભે પ્રભાત

કંકુવરણા રૂપ સાથિયા રે લોલ,


માડીને ગરબે ઘૂમે નક્ષત્રો દિનરાત

ખમ્મા ચૈતર તોરણિયાં રે લોલ,


માડી તને દઈએ મેઘાડંબર સ્વાગત

ઝરમર ભીંના ભાવે ભીંજવો રે લોલ,


માડી તારાં બેસણાં આરાસુર ધામ

ગબ્બર ગોખ ઝગમગે રે લોલ,


માડી વસુધા ધરે વસંત થાળ

અક્ષત આનંદના ઓવારણાં રે લોલ,


માડી વાગે નોબત ને ઊડે ગુલાલ

ફરફર ફરકે આ ચૂંદલડી રે લોલ

માડી તારે શરણે સુખિયા રે લોલ.


સામગ્રીને રેટ આપો
લોગિન

Similar gujarati poem from Inspirational