ગૌરવ

પાનખરમાં પર્ણો સઘળા ખરી ગયા પછી,

પથરાતા સૂરીલા પગરવનું ગૌરવ જાળવ !

પછી મોસમના બદલાવ થકી કૂણી કૂંપળોમાં,

આગામી વાસંતી ખિલાવટનું ગૌરવ જાળવ !

ડાળી મનની મ્હોરી ઊઠી એની યાદથી વિરહમાં,

તો જાગેલા ટહુકાઓનું ભીતર ગૌરવ જાળવ !

વહેતા વાયરાની ગતીને કેમ કરી કરૂં કાબુમાં,

શ્વાસોમાં ભરી મળેલા જીવનનું ગૌરવ જાળવ !

ન વેડફી નાંખ શબ્દો અહીં નાસમજીથી ગમે તેમ,

હવે ચૂપ રહી ઊગેલા મૌનનું ગૌરવ જાળવ !

રસ્તો જ મંઝિલ છે એમ સમજી સફર જારી રાખ,

મજબૂત મનોબળથી કદમોનું ગૌરવ જાળવ !

મળે મ્હોંબ્બતમાં ગમ તો હોઠોને પણ સીવી લે,

ભવ્ય ભેટમાં મળેલાં ઝખ્મોનું ગૌરવ જાળવ !

આ તો ભવ્ય ભાતીગળ છે 'પરમ'ભાવનાઓ કેરૂં,

જાતને 'પાગલ' કરી શબ્દોમાં કલમનું ગૌરવ જાળવ !