એનું હાસ્ય
એનું હાસ્ય
ખૂબ જોઈ મેં ચહેરાથી સુંદર અપ્સરાઓ,
ખૂબ જોયા મેં મેક-અપ રૂપી કારખાનાઓ,
પણ એક ચહેરો હજી મને યાદ છે,
યાદ છે મને એનું એ મૃદુ હાસ્ય...
એ હળવું હાસ્ય જોઈ હું પોતાને ભૂલી જતો,
એની એ ચાલ જોઈ મનોમન હરખાઈ જતો,
ખબર નહીં પણ કેમ હમણાં એ જોવા નથી મળતી,
પણ હજી યાદ છે મને એનું મૃદુ હાસ્ય...
ખુશીઓ અધૂરી લાગે છે એ હાસ્ય વિના,,
હું અધૂરો થઈ ગયો છું એના વગર,
ગુલાબ જાણે હવે આગમાં ઉગેલું લાગે છે,
છતાંય..હજી યાદ છે મને એનું મૃદુ હાસ્ય..