એકાએક !

 

એકાએક કોચલું ખરી પડ્યું, એકાએક પંખી ઉડી ગયું ,

એકાએક શ્વાસ શરુ થયો, સૃષ્ટિમાં થનગનાટ ફરી વળ્યો !

પછી કોશેટાએ રેશમ ગૂંથ્યું, પછી ગુલાબ મહેકી ઊઠ્યું,

પછી મોરે કળા કરી, સૃષ્ટિમાં થનગનાટ ફરી વળ્યો !

ફરી ગાયે દૂધની શેર પાડી, ફરી ચકલી તણખલું લાવી ,

ફરી મરઘીએ ઈંડાની ભાત પાડી, સૃષ્ટિમાં થનગનાટ ફરી વળ્યો !

આ જોઈ સૂરજ ઝૂમી રહ્યો, આ જોઈ તારલા ટમકી રહ્યા,

આ જોઈ ચંદ્ર ખીલી ઉઠ્યો, સૃષ્ટિનો રચયિતા હસી રહ્યો !