એક વચન

અસહ્ય થઈ ગઈ છે જુદાઈની આ ઘડીઓ,

વિયોગનો શણગાર સજી, રાહ જોઈ રહી છું હું,

મન મહીં ઊમટે અવિરત યાદોની ભરતી ઓટ,

તસ્વીરને તમારી કદી ચૂમી, કદી ચાહી રહી છું હું,

કહો ને વાલમ ! હજી તે કેટલી વાર લાગશે !

મિલનની રાહમાં, શ્વાસોને રોકી રહી છું હું,

મિલનની સાક્ષી થવા આવ્યો ધોધમાર વરસાદ,

ધીરે ધીરે તમારી બાહોમાં, ખુદને ખોઈ રહી છું હું,

હવે કદી ના લાવશો વિયોગનાં કોઈ સંજોગ,

પ્રીતમાં આ એક જ વચન માંગી રહી છું હું.