એક વાત યાદ આવી

વાતો વાતોમાં મને એક વાત યાદ આવી.

જૂની એક મુલાકાત યાદ આવી .

રાહ જોતી હું નજર નાખતી રહી ગઈ ત્યાં,

વરસાદની એક મીઠી વાત યાદ આવી.

જવું હું એને મળવાને એ પહેલાં તો ,

એના 'સ્પર્શની' સોગાત યાદ આવી .

એવા આતુર મનના મિલનની થતી એ

વર્ષો જૂની રજૂઆત યાદ આવી .

સાકાર થઈ રહી હોય જાણે શુ કહું,

આખરે મિલનની રાત યાદ આવી.

રાહ જોતા જોતા ખુદને ખબર ના રહી,

કે ક્યારે પતી ગઈ એ વાત યાદ આવી .

મિલનની ઘડી અધૂરી રહી ગઈ જાણે,

પ્રેમની એ મીઠી શરૂઆત યાદ આવી.

કે વાતો વાતોમાં મને એક વાત યાદ આવી,

જૂની એક મુલાકાત યાદ આવી.