એક શાળા ગામમાં

પ્રેમની જ્યોતિ જલાવે એક શાળા ગામમાં,

જ્ઞાનની ગંગા વહાવે એક શાળા ગામમાં,

ઢોલને વાજિંત્ર તાલે રોજ થાતી પ્રાર્થના,

દાન વિદ્યાનું કરો, કરતાં પ્રભુને પ્રાર્થના,

ધૂનની રમઝટ જમાવે, એક શાળા ગામમાં,

જ્ઞાનની ગંગા વહાવે એક શાળા ગામમાં,

ખુદ નિચોવી જાતને, શિક્ષક ભણાવે વર્ગમાં,

બાળકો સૌ મોજથી, મૂલ્યો શીખે છે વર્ગમાં,

માતની માયા ભૂલાવે,એક શાળા વર્ગમાં,

જ્ઞાનની ગંગા વહાવે એક શાળા ગામમાં,

ધર્મ, ભક્તિ, કર્મની વાતો ભણે સૌ પ્રેમથી,

અંધશ્રદ્ધાને ત્યજી લોકો વળે શ્રદ્ધા ભણી,

ધર્મનું રક્ષણ કરાવે, એક શાળા ગામમાં,

જ્ઞાનની ગંગા વહાવે, એક શાળા ગામમાં,

જાતથી વ્હાલી અમોને એ અમારી શાન છે,

સૌ અમે સંતાન એનાં, એ અમારી માત છે,

સ્નેહનો દીપક જલાવે એક શાળા ગામમાં,

જ્ઞાનની ગંગા વહાવે, એક શાળા ગામમાં.