એક ઘડી હોય
એક ઘડી હોય
પ્રભુ ! આવી જ એક ઘડી હોય,
છમછમતી ઠંડીએ જલતી સગડી હોય !
ક્યહીંય વિષના કૂંડે,
ઊગેલી પાનખર હોય,
વસંત તણી કૂંજે,
એકાદ પીમળતી કૂંપળ હોય !
આર્તનાદતા ઉરે તણખા પડ્યા હોય,
એકાદ ક્ષણે તે પથ્થરે ઘડ્યાં હોય !
વિરહના વનમાં,
અધૂરપના ડાળખાં હોય;
ક્ષણિક પલકારા થકી,
સ્નેહી તરુવર-ઝૂમખાં હોય !
તરસી સીમ શા મુખે સિંધૂડો હોય,
જો રસભર્યા જળનો એકાદ ઘૂંટડો હોય !
જીવન અંજલિએ,
તિમિર તણી વાટ હોય,
ડૂસકાં ભરતી નિશાએ,
ચાંદનીનો જો સાથ હોય !
પ્રભો ! અનમોલ એક ઘડી હોય,
વેરાન તરંગે કવિતાની એકાદ કડી હોય !