એક એવો સમય હતો

એક એવો સમય હતો, 

લોકડાઉન જેને કહેતા'તા..

જગતને જીતનારા માનવ પણ 

વાયરસથી ડરીને જીવતા'તા.

કીડિયારું ઊભરાતું માનવોનું જ્યાં, 

ત્યાં જ જવામાં ડરતા'તા,

અદ્રશ્ય એક જીવાણુંનો દાવ તો જુઓ, 

એના કારણે લોકડાઉન લોકડાઉન રમતા'તા.

સારુ હતું એ પણ કે લોકો, 

"ઘર" ને તો મળતા'તા..

બાકી તો મકાન બાંધ્યા જ હતા, 

ને ભાગદોડ નું ભાડું ભરતા'તા.

આ જ સમય મળ્યો'તો જેમાં, 

પરિવારના સ્વભાવ જાણ્યા'તા,

બાકી તો સૌથી પહેલા ઓફિસ,

પછી માંડ પતિ-પત્નિ મળતા'તા

ભલે કમાણી બંધ હતી પણ, 

લાગણીનું પ્રોફિટ કરતા'તા,

વગર તહેવારે નવીનતમ, 

વાનગીઓ આરોગતા'તા.

પૈસો જ બધું નથી જીવનમાં,

એવું હવે સૌ સમજતા'તા,

મોડે મોડે ભલે પણ, 

મૂલ્યવાન જીવનને સાચવતા'તા..

એક એવો સમય હતો, 

લોકડાઉન જેને કહેતા'તા..

જગતને જીતનારા માનવ પણ 

વાયરસથી ડરીને જીવતા'તા.