એ યાદો

તમારી યાદોમાં જ્યારે હું ખોવાઈ જાઉં છું,

સાચું કહું છું દિલથી બહુ ઘવાઈ જાઉં છું !

તમારાં દ્વાર સુધી જવાની પહોંચ નથી એથી,

નીકળું જો મળવા ત્યાં જ અટવાઈ જાઉં છું !

હજુ પણ ભ્રમ છે તમારી હાજરીનો એટલો,

થોડો અવાજ થાય ને હું હેબતાઈ જાઉં છું !

નથી કોઈ વાત કે જેથી પામી શકું હું ખુશીને,

દર્શન થાય જો તમારા તો મલકાઈ જાઉં છું !

ને ઈચ્છા શાને રાખવી હવે નસીબથી 'ઉમંગ',

સંબંધ મળે મજાનો ત્યાં જ બંધાઈ જાઉં છું !