દુનિયા - એક રંગમંચ

કોણ સાચા ને કોણ ખોટા 

એક જ ચહેરા પર કેટ-કેટલા મુખોટા!! 

રંગમંચ છે આ દુનિયા જાણે 

શું ખબર.. 

 અહી કયું પાત્ર બદલાઈ જાય કયે ટાણે !!

ભલે ને જમ્યા હો ક્યારેક એક જ ભાણે

પણ, રમત રમવામાં શરમ ન આણે 

આ જ રંગમંચના મુખ્ય દોર છે મોટા 

ચબરાક થઈ જાજે,

બાકી અંતરાયો ના ઉઠશે ગોટેગોટા 

આ જ તો તક છે ખુદ ને ઉભારવાની 

જો આજ એને નહીં પિછાણે

ખરા રંગમંચ ના રંગ તું કઇ રીતે માણે!!?

ઈજ્જત નહીં મળે માત્ર નાણે,

એ તો ત્યારે જ પામીશ

જ્યારે કોક પાસે ઉભો હો તું ખરે ટાણે,

ખુદ્દારી ને ખુમારીના ન હોય તોટા,

જીવન એવું જીવી જાજે મોટા,

         

પડદો પડે છતાંય,

તુજ આબરુના ઉજાસ હો મોટા,

ક્લાઈમેક્સ તો એવું જ હોજો હો મોટા!