દ્રષ્ટિકોણ
દ્રષ્ટિકોણ
![](https://cdn.storymirror.com/static/1pximage.jpeg)
1 min
![](https://cdn.storymirror.com/static/1pximage.jpeg)
27
મારા ટેબલ પર એક પ્યાલો પડેલો,
અડધો તે ખાલી કે અડધો ભરેલો.
જીવનમાં ય મારા, આ પ્રશ્ન થયેલો,
જીવું હું ખરેખર, કે જીવતો મરેલો?
અડધી નિદ્રામાંથી જ્યારે જાગેલો,
અવળા વિચારો ને માર્યો હડસેલો.
છે નક્કી પ્યાલો આખો ભરેલો,
અડધું છે પાણી ને અડધી હવા,
જીવન જીવવાની બસ આ એક જ દવા,
આખી યે વાત હું આજે સમજેલો.