દરેક ની ભીતર છે એક કવિતા

આંબા ડાળે મંજરી ફૂટી ને આ કોયલ ટહુકી

જાણે મારા મનડામાં એક કવિતા ઉગી

આ ફૂલડાં એ સુંગંધ વેરી ને આ બાગ મલકાયો

જાણે ભમરા એ ફૂલોની પ્રીત વ્યક્ત કરવા,

પાંદડી પાંદડી એ લખી કવિતા

આ સૂરજ ઊગ્યો ને ફૂલોનું મો મલક્યું

જાણે હવા એ મહેક ફેલાવી લખી એક અદ્ર્શ્ય કવિતા

આ અસ્ત થયો સૂરજ ને દુઃખી થઈ ગઈ સૂરજમુખી

સૂરજના વિરહમાં સૂરજમુખી એ લખી એક સુંદર કવિતા

આ દિવસ આખી રખડપટ્ટી કરી

આ સૂરજ ઘેલો બની જઇ પડ્યો સંધ્યાની બાહોમાં

મિલનની ખુશીમાં આ સંધ્યા એ સિંદુરી અક્ષરથી

આકાશે લખી કવિતા

આ ઝરણાની વિદાય થી,

એક પિતાની જેમ શોકાતુર થયો આ પહાડ

ઝરણાના એક એક બુંદમાં લખી એને કવિતા

પ્રકૃતિના કણકણમાં છે કવિતા

ઝરણાના ઝણકારમાં છે અદભુત કવિતા

આ પંખીઓ ના મધુર ટહુકામાં છે સુર મધુર કવિતા

વર્ષાની એકએક બુંદમાં છે કવિતા

બસ ઝાકીને જુવો તો

તમારી ભીતર પણ છે એક કવિતા