દિલની સગાઈ

દિલથી દિલની એક દિ' સગાઈ થઈ હતી, કોણ માનશે,

ને એક દિ' પછી મારીય વિદાઈ થઈ હતી, કોણ માનશે !

અધૂરો સંબંધ, અધૂરી મોહબ્બત લઈને જીવી રહ્યો છું,

જીવનમાં મારી આટલી કમાઈ થઈ હતી, કોણ માનશે !

તમારી ચાહતનો કદરદાન હું હતો ને તોય દાદ ના મળી,

ને હવે મારી વ્યથા મારાં મુખે ગવાઈ હતી, કોણ માનશે !

દોષ આપી દઉં કિસ્મતને એ પણ પૂરતું નહીં હોય હવે,

મારાં જીવન પર મારી ભૂલો છવાઈ હતી, કોણ માનશે !

મારી આંખોને રાહ હતી ચોમાસાની ચાતકની જેમ હવે,

વરસાદ નથી તોય આંખો ભીંજાઈ હતી, કોણ માનશે !

આ ભવમાં તમારું મિલન થશે નહીં, સ્વીકારું કેમ હું ?

આખી જિંદગી રાહ તારી જોવાઈ હતી, કોણ માનશે !