દિલની ખુમારી

હશે નયન બંને છેતરાયાં ઝાંઝવાથી, 

છતાં અનુભવે ભરેલી પાકટ નજર છે !

બદબૂથી સુવાસની બોલબાલા કેટલી ? 

ધરાતલ ફૂલોનેય એટલી ખબર છે. 

ઝીલવું અશ્રુ મોરનું ત્વરાએ જરૂરી છે, 

છતાં પડેલું ધરતી પર અર્થસભર છે !

લે ખાટી યશ એકલો કેમને તું ? 

આ પરાગની હવા ઉપર સફર છે !

પીધા જામ જવાનીમાં ભરપૂર અમે, 

હજીયે ઘડપણમાં એની ગુલાબી અસર છે !

પસ્તાવો તક ચૂક્યાનો ઉમ્રભર છે, 

છતાં મેળવી લેવાની અનોખી જિગર છે !

નથી આવકારી કેવળ જીતની જ મજા, 

કપરી હારનીય એટલી કરી કદર છે !

મરીનેય જીવતાં આવડે છે ' શાર્દૂલ '

શહેનશાહી દિલની ખુમારી અગર છે !