દિલની બીમારી એ લગાવી ગયા

આંખોમાં શમણાંઓ એ જગાવી ગયા,

આંખોની નીંદ મારી જાણે ભગાવી ગયા.

મશરૂફ હતી હું તો મારા રોજિંદા કામોમાં,

વાત વાતમાં દિલની બીમારી એ લગાવી ગયા.

મારા હૈયામાં એવો વસવાટ એ કરી ગયા કે,

જાણે ચેન, સૂકુન,નીંદ મારી એ છીનવી ગયા.

લગાવી દિલની બીમારી એતો દૂર થઈ ગયા,

મારા હૈયે યાદોના તીર એ ચૂભાંવી ગયા.

કેવી ખૂબસૂરત જિંદગી હતી ઇશ્ક પહેલા !

આ મારી હસતી આંખોને એ રડાવી ગયા.

સુખ ચેન અને સૂકુન હતા મારા જીવનમાં,

જોને પીડાની પોટલી એ થમાવી ગયા.