દિલ

કેવું લાગતું હશે ને કેટલું નાનું હશે?

કોના જેવું હશે ને ક્યાં રમતું હશે?

શું કરતું હશે ને કોને મળતું હશે?

મન સાથે એને અજીબ જ નાતો હશે,

ભાવનાઓમાં એ વહેતું હશે,

અપશબ્દો, અનાદર, નફરતથી એ દુભાતું હશે,

અગોચર વિશ્વમાં એકાંત એ શોધતું હશે,

કોઈ વૃક્ષની એ છાયામાં એ સંતાતું હશે,

મનુષ્ય, પ્રાણી- પંખી બધામાં એ વસતું હશે,

લાગણીશીલ અને પ્રેમાળ વ્યક્તિને જ એ મળતું હશે,

નાજુક નમણું ને થોડું ભરખમ હશે,

સુંદર એનો રંગ હશે ને ખુશીથી એ ફૂલતું હશે.