ધનવાન

હું રહ્યો સામાન્ય માણસ

આપ તો ધનવાન છો

એ પણ છે શંકા મને કે

આપ પણ ઈન્સાન છો,

ના સમજ મુજને તમારી

ના આપને મારી ખબર

તોય નામને જાણતાં !

ભૈ આપ શું ભગવાન છો ?

હું રહ્યો સામાન્ય. . . . . 

હું સતત ભટકયાં કરું

બસ,લાગણીને ભાવમાં

આપ એ.સી. કાર માંહે

શોભતાં મહેમાન છો !

હું રહ્યો સામાન્ય. . . . .

આ વખત આવેને જાશે

ના આપને એની ફિકર

ને અહીં ઘડી-બેઘડી

બેઠા પણ આલીશાન છો ?

હું રહ્યો સામાન્ય. . . .

લાગણીઓ ને લૂંટાવી

આજ છડે-ચોક મેં

તે લાગણીને પણ સજાવી

વેચતાં વિદ્વાન છો !

હું રહ્યો સામાન્ય માણસ

આપ તો ધનવાન છો

એ પણ છે શંકા મને કે

આપ પણ ઈન્સાન છો ?