લાઈબ્રેરી
પ્રોફાઈલ
ચૂકી જવાયું છે
ચૂકી જવાયું છે
1 min
436
મજાઓ માણવાનું આખરે ચૂકી જવાયું છે,
જીવનને પામવાનું આખરે ચૂકી જવાયું છે.
સતત વહેતી રહી ગંગા અમારા આંગણામાંથી,
ને ડૂબકી મારવાનું આખરે ચૂકી જવાયું છે.
મેં દોર્યું ચિત્ર પણ એમાંય ક્યાં ઉઠાવ આવ્યો છે!
કે રંગો પૂરવાનું આખરે ચૂકી જવાયું છે.
ફરી ગઈ દ્વેષની કાતર અને કટકાં થયાં દિલના,
દિલોને સાંધવાનું આખરે ચૂકી જવાયું છે.
અમે મરતાં રહ્યાં રોજે ફકત જીવી જવા માટે,
છતાંયે જીવવાનું આખરે ચૂકી જવાયું છે.
