ચોમાસુ

વરસાદની બુંદોનું સંગીત ગુંજે છે જેના કાનોમાં

એના માટે જ છે........આ મોસમ...

બાકી ....પાણીનું વરસવું,

એ માત્ર ચોમાસુ...!

એ માટીની મહેક ઉતારે જે શ્વાસમાં

એના માટે જ છે....આ મોસમ

બાકી કીચડ ને કાદવ,

એ માત્ર ચોમાસુ....!

વરસાદની સાથે જ બાળપણ યાદ આવે

એના માટે જ છે ...આ મોસમ

બાકી ખાબોચિયાને ખાડા 

એ માત્ર ચોમાસુ...!

અલ્હાદક પ્રકૃતિ સૌંદર્યને માણવા આતુર છે જે

એના માટે જ છે....આ મોસમ

બાકી ગંદકી ને ગોજવાડ

એ માત્ર ચોમાસું....!

જેને ભીંજાવું ગમે છે વરસાદમાં

એના માટે જ છે....આ મોસમ

બાકી છત્રી રેઈનકોટ ને કોરા રહેવું,

એ માત્ર ચોમાસું...!

'બારીશ'ને ગમે આ મસ્ત મસ્ત મોસમ

બાકી બીજા માટે હશે માત્ર ચોમાસુ...!