ચહેરાઓ

ચહેરે એ તેજ ઝળહળતા સૂર્ય પ્રકાશનું પ્રતિબિંબ,

આવા ચહેરાથી કોઈનું પણ પ્રભાવિત થવું સ્વાભાવિક,

સર્જનહારની ચીવટ અને કુશળતાને સલામે અભિનંદન,

જેને મળ્યો હશે આ અદભૂત પુરસ્કાર એને નમસ્કાર,

શીતળતા અર્પતા આવા ચહેરાઓનો ક્યાં હશે વસવાટ ?

શોભતું હશે નગર,સૌંદર્યસામ્રાજ્ઞીઓના છલકતા જોબનથી,

વસાવ્યા આવા ચહેરાઓ દિલમાં જ અમે કારણ જાણો છો?

ડર રહેતો હતો ક્યાંક આંખોના અશ્ર્રઓ સંગ વહી ના જાય !

શું સમજાવું મહત્વ એવા ચહેરાઓનું,દિલમાં જગા જોઈ લો,

સંબંધો કેટલાક બહુ અણમોલ વધારે આથી સમજાવું શું હું ?