છેલ્લો વરસાદ
છેલ્લો વરસાદ
જેમ કોઈ અવળચંડો માનવી ટ્રાફિક નિયમની પાળ તોડી ભાગે એમ,
આ વરસાદ જો ને ધોધમાર વરસીને પોતાની હદ ઓળંગી ગયો,
જતા જતા એ સૌને દુઃખી કરતો ગયો,
કોઈ બન્યા ઘરવિહોણા,
કોઈના ઢોરઢાંખર તણાયા,
કોઈનો પાક નિષ્ફળ ગયો,
કોઈની દુકાનોનો માલ બગડ્યો,
જનજીવન અસ્ત વ્યસ્ત કરતો ગયો,
આ જતા જતા વરસાદ સૌની આંખોમાં પાણી લાવતો ગયો,
જાણે ! આ દૂર્વાસા જેવો ક્રોધી બની,
બધું તહસ નહસ કરતો ગયો
જો ને આ છેલ્લો વરસાદ,
પડ્યા પર પાટું મારતો ગયો,
કોરોના, વાવાઝોડાના નુકશાનની હજી તો ભરપાઈ નથી થઈ
ત્યાં તો બમણી નુકશાની કરતો ગયો,
જો ને આ છેલ્લો વરસાદ કઈ કેટલીય ઉપાધિ દેતો ગયો !