ચાતક

ધમરોળી છે ધરાને આજ, ઓલા નટખટ ઘનઘોર ગગને,

જાણે રંગી'તી રાધાને, ઓલા રસપ્રચુર તોફાની કાને.

ભીંજવે છે નભ, એવી રીતે મુશળધાર, ઉપરથી આ સૃષ્ટિને,

જાણે પ્રેમ આજ પૂરો વરસાવીને, તૃપ્ત થવું છે, ખુદ એના રચનારને.

ઉત્સાહ ને ઉમંગનો નવો સંચાર આજ આપશે એ કુદરતને,

રંગાઈ જઈશ જો એના જ રંગમાં તો, પામશે એની સોળે કળાને

છોડ ઘડીક બધા કામોને, ને આવીજા તારી અલ્લડ અદાઓ લઈને.

બસ હવે આજ રાહ છે તારી જ, તારા આ 'નિપુર્ણ' એવા ચાતકને.