ચાલને શીખીએ

ચાલ ને, આ રજા માં ઘરે જ રહીએ..

ખોવાયેલા સંબંધો ને પાછા શોધીએ...

એક બીજાથી દૂર તો કયાર ના થઈ ગયા..

ચાલને, ફરીથી એટલા જ નજીક આવીએ...

નોકરીની દોડભાગમાં ગુમાવી છે કેટલીય ક્ષણો,

ચાલ ને, એ ક્ષણોને પાછી સાથે માણીયે..

કેટલાય કાગળ ખોવાઈ ગયાની ચિંતા છે,

ચાલ ને, ખોવાઈ ગયેલા સંબંધની ચિંતા કરીએ...

વિચાર્યું હતું દરેક સવાર તારી સાથે જ ખીલશે,

ચાલ ને, એ વિચારને સાર્થક કરીએ...

દરેક સાંજ તારા હાસ્યરંગોથી જ ખીલશે,

ચાલ ને, એ હાસ્યરંગનો અનુભવ કરીએ...

ચાલ ને, આ રજામાં ઘરે જ રહીએ..

ખોવાયેલા સંબંધો ને પાછા શોધીએ.