બનીને

ચાલ, આજ જીવીએ, થોડું હસીને,

ક્યાં સુધી જીવીશું, આમ મરી મરીને ?

વર્તમાન પણ, આગળ ભાગે છે,

કાં, ન, દોટ મૂકીએ, દોડવીર બનીને ?

સમય આંધળો છે, વહેતો રહે છે,

કાં, ન, પળ બે પળ ચોરીએ, ચોર બનીને ?

હતાશા નિરાશા તો, હિસ્સો છે જીવનનો,

કાં, ન, એમ લડીએ, બહાદુર બનીને ?

સૂર્યાસ્ત પછી, સૂર્યોદય જ હોય છે,

કાં, ન, એમ ઉગીએ, સૂરજ બનીને ?

પર્વતોની વચ્ચેથી, વહે છે ઝરણું, 

કાં, ન, વહીએ એમ, ઝરણું બનીને ?

લાખો નિરાશાઓમાં, છૂપાયેલી છે આશા,

કાં, ન, જગાવીએ જ્યોત, આશાની બનીને ?

નફરત ને ઈર્ષાથી, ભરેલી છે આ દુનિયા,

કાં, ન, પ્રેમ કરીએ, 'ચાહત' બનીને ?