બની વસે તું મારા શ્વાસમાં

જીવવું ગમે મને તારા સહેવાસમાં,

રહેવું ગમે તારી યાદોના સહેવાસમાં,

મહક પ્રસરી ચોમેર પુષ્પોની પણ,

મદહોશ હું તો તારા કેશોની સુવાસમાં,

હશે ટહુકો મીઠો એ કોયલનો પણ,

ખોવાયેલો હું તો તારી વાતોની મીઠાશમાં,

મુરઝાયેલા નથી એ ગુલાબો બાગના,

કિંચિત ઈર્ષિત છે, તારા ગાલોની લાલાશમાં,

ક્યાંથી ખરે આપણા પુષ્પ પ્રણયનાં ?

તાકાત ઘણી છે આપણા પ્રેમના વિશ્વાસમાં,

લૂછીશ નહિ મારા અશ્રુ, રહેવા દે આંખોમાં,

બહુ વહ્યા છે એ તારા મિલનના આયાસમાં,

“પ્રશાંત”ના પ્રેમની શું કસોટી લેશે આ જમાનો !

જયારે જીવન“દીપ” બની વસે તું મારા શ્વાસમાં.