બીજી દીકરી

પહેલી દીકરીના જન્મને સહુ કોઈ વધાવે,

ને બીજી દીકરીના આગમન ને સમાજ કેમ નકારે ?

પપ્પા અને પરિવારનું ધ્યાન રાખવા,

અને માની મમતા પામવા આવી,

તો સમાજ આ દીકરી ને કેમ નકારે ?

નથી કાંઈ લેવા આવી કે નથી કાંઈ લઈને જવાની

આવી છે માત્ર ૨૦-૨૫ વર્ષ માટે,

તો સમાજ આ અદભુત નારી શક્તિને કેમ નકારે ?

ઘણા બધા કષ્ઠો વેઠીને આવી હોય,

અને થઇ છે મોટી બહેનની સખી,

તો સમાજ આવી અમૃત સમાન દીકરીને કેમ નકારે ?

ઘણા બધા પરિવારો બીજી દીકરીના,

આગમન ને ખૂબ વધાવે ,

તો સમાજ આવી ફૂલ જેવી દીકરીને કેમ નકારે ?

ઘણી બધી પીડા સહન કરી માએ,

દીકરી ને જન્મ આપ્યો હોય; 

બિચારીને બીજી આવી એમ કહી,

સમાજ એના માતૃત્વ ને કેમ નકારે ?