ભવ ભવના ફેરા

મારે નજર મેળવવી છે, તારી સાથે જ મેળવવી છે,

નજર મેળવીને મારે નજરના જામ છલકાવવા છે.

મારે મુલાકાત કરવી છે, તારી સાથે જ કરવી છે,

મુલાકાત કરીને મારે તારૂં મધુર મિલન માણવું છે.

મારે હ્રદય મેળવવું છે, તારી સાથે જ મેળવવું છે,

હ્રદયનો તાલ મેળવીને મારે હ્રદયમાં વસાવવી છે.

મારે પ્રેમનું ગીત ગાવું છે, તારી સાથે જ ગાવું છે,

તારૂં પ્રેમ ગીત ગાઈને મારે મસ્ત બની મ્હાલવું છે.

"મુરલી" ને મન મેળવવું છે, તારી સાથે જ મેળવવું છે,

જો મન મળી જાય તો મારે ભવ ભવના ફેરા ફરવા છે.

રચના:-ધનજીભાઈ ગઢીયા "મુરલી" (જુનાગઢ)