ભૂલાઈ જાય છે

શું કહું તને અને શું ના કહું તને

અપાર પ્રેમ કરું છું એ કહેવાનું જ ભૂલાઈ જાય છે

હૃદય ના ધબકારા તો ચાલુ છે

પણ શ્વાસ લેવાનું જ ભૂલાઈ જાય છે

શું કહું........

તારામાં ખોવાઈ જવાનું એટલું ગમે છે કે,

રસ્તાઓ તો યાદ છે હવે મંઝિલ જ ભૂલાઈ જાય છે

અંધકાર થઈ ગયો સૂરજની રોશની ગયા પછી

હવે દીવો કરવાનું જ ભૂલાઈ જાય છે,

શું કહું.......

નદીઓ મળી જાય છે આખરે સાગર ને,

પણ હું પાણી બની ગયો એક ખાબોચિયાનું, હવે વહેવાનું જ ભૂલાઈ જાય છે,

ઈચ્છા હતી બની જાવ પર્વત તારી દરેક સમસ્યા સામે

હવે તારી સામે જ નમતા ભૂલાઈ જાય છે

શું કહું.........