શું લખું તને ?

પ્રિયતમ તને શું લખું ?

મારી લાગણી ને શબ્દોમાં કેમ વર્ણવું ?

તુજ મારી જિંદગી અને તુજ બંદગી.

તુજ મારું જીવન અને તુજ સર્વસ્વ.

તારા વિના સાવ અધૂરી, તારા સંગે થઈ જાવ પૂરી.

તારો પ્રેમ જ મારું ચાલક બળ, તુજ મારું પ્રેરકબળ.

દિલનો બાગ ખીલી ગયો તારા આગમને,

આ દિલ સુવાસિત થઈ ગયું તારા આગમને.

આ જિંદગી મહેકાવી ગયો,

બંજર ધરતીમાં ગુલશન બનાવી ગયો.

આ અતૃપ્ત વિરાન દિલની ધરા ને,

લાગણીની ભીનાશ અર્પી,

આ દિલની ધરા તું મહેકાવી ગયો.