ભરોસો કોનો કરવો

જ્યારે વાડ જ ચીભડાં ગળે, ભરોસો કોનો કરવો ?

પોતાનાં જ પોતાને નડે, ભરોસો કોનો કરવો ?

સંતાનો મોટાં થઈ કરશે સેવા, એ આશ માવતરને,

પાંખો આવી જતાં જ એ ઊડે, ભરોસો કોનો કરવો ?

વહુ આવીને કરશે સેવા, એ ઓરતાં સાસુ સેવે,

પણ...વહુને તો કોઈ ફરક ન પડે, ભરોસો કોનો કરવો ?

આપણાં છે ને ? આપણે નહીં કરીએ તો કોણ કરે ?

ઉપકારનો બદલો અપકારથી મળે, ભરોસો કોનો કરવો ?

ભૂલ્યા સપ્તપદીના વચનો અને વાયદો સાથ નિભાવવાનો,

મઝધારે પહોંચી હાથ છોડે, ભરોસો કોનો કરવો ?