ભર ઉનાળે ઉજાણી થાય છે

સંબન્ધ તાણાવાણા ખૂબ નરમ હોય છે;

આ નરમાશ જાય તો ઘરમા જ ઉકળાટ થાય છે.

સમજણની એક કેડી પડી જાય દિલ મહી;

તો સંબન્ધમા ભર ઉનાળે ઉજાણી થાય છે.

એક તાંતણો તુટે જ્યારે સંબન્ધમા વિશ્વાસનો;

ત્યારે વગર ચોમાસે વાવાજોડાનો ઉદભવ થાય છે.

કોઇ જ્યારે આંખે વળગીને દિલમા ઉતરે ત્યારે;

જાગતા જ સપનાઓનુ ગગનમા ઉડ્ડ્યન થાય છે.

નવરાયના સમયમા હળવાશની પળો ભળે છે;

એ સમયે હદયમા પ્રેમનુ ઉત્થાન થાય છે.

હદયથી હદયના બન્ધનમા અણબનાવ હોય તો;

એ સંબન્ધનુ તો પ્રેમ જ એક ઉકેલ થાય છે.