ભજીયા
ભજીયા
ગુલાબી, ગુલાબી રંગીન,
આકાશ આજ,
મીઠો મધુર ટહુકો,
મોરલાનો આજ, મધુરમ મધુરમ….
ઝરમર ઝરમર વરસાદ, વરસે,
વીજળી ગાજી ઊઠે,
ઝગમગ ઝગમગ…
ઠંડો ઠંડો પવન લહેરાયો,
મારાં મનડાની મોજ,
જાગી ઊઠી મધમ મધમ..
ગરમા ગરમ ચાની
ચુસ્કી સાથે,
ભજીયામાં મન પોરવાયું,
ચણાના લોટમાં મીઠું, મરચું, હળદર,
તેલ અને પાણી નાંખી,
એનો મેં એક ઘોળ બનાવ્યો,
એક તવામાં તેલ ઉમેરી,
ગેસ પર મૂક્યું ગરમ ગરમ..
બટાકા, ડુંગળી, પાકા કેળા,
ખજૂર, લીલા મરચા સમાર્યા,
કોથમીર, ફુદીનાની ચટણી બનાવી,
એક પછી એક ચણાના લોટમાં,
ઝબોળી,
ગરમ તેલમાં તળવા લાગી,
અવાજ ઊઠ્યો છમ છમ….
ભજીયાની
સોડમ ચારેકોર મહેંકી રહી,
બઘાનાં મોઢામાં પાણી આવ્યું,
વરસાદની તો રમઝટ ચાલી,
મારી ગરમા ગરમ ચાની પ્યાલી,
ફરી ભરાણી,
ને ચુસ્કી ભરી સુરમ સુરમ…
કોથમીર, ફુદીનાની ચટણી, સાથે ભજીયા ને ચટણીએ,
તો મારી સાંજ બનાવી.
ઓહ ! ભરમ્ ભરમ્.