બહેન - જાણે કે ફૂલોની ક્યારી

મારી નાની બહેન લાગે મને વ્હાલી,

જાણે કે સુગંધી અત્તરની ભરેલી પ્યાલી,

જેની હાજરી માત્રથી હું પુલકિત થઈ જાઉં,

જીવનમાં એ લાવતી નિત્ય તાજગી,

લડતી, ઝઘડતી અને રિસાતી મારી સાથે,

મારી ઈચ્છાઓ પૂરી કરવા પપ્પાને મનાવતી,

પરિવારરૂપી બાગમાં ખીલેલું સુંદર ફૂલ,

મારી વ્હાલી બહેન જાણે કે ફૂલોની ક્યારી !

હે ઈશ ! સદાયે રાખજે તેનાં ચહેરા પર હસી,

હું કેટલો છું ધનવાન, મને તે આપી બહેને પ્યારી.