Library
ભારત મહાન છે
ભારત મહાન છે
સોમાંથી નવ્વાણું જનાવર
ને એક જ ઈન્સાન છે !
પશુ છે પરોપકારી ને
મનુજ બેઈમાન છે ?
છતાંય, કહેવું પડે કે. . . .
મારું ભારત મહાન છે.
હરતાં-ફરતાં ખુન -ખરાબા
ને ડોનગીરીનું સમ્માન છે !
છતાંય, કહેવું પડે . . . .
કરે હોળી ના રંગો થકી ?
બાળા એસિડથી અજાણ છે ! ને
છતાંય, કહેવું. . . . . . . . .
થાય જીવતાં પર પથ્થરમારો
ને પથ્થરો પર ચઢતો હાર છે !
છે ઝૂંપડાની જમીન ઓછી ?
ને 'સ્કવેર ફૂટ' માં બંધાણ છે !
છતાંય, કહેવું. . . . . .
ઘરમાં જમવા ભોજન નહીં
ને ગુટખાનું બંધાણ છે !
એક પડીકી દુનિયા બદલે
બીજી આલતી ભાન છે ?
છતાંય, કહેવું . . . .
ગોયણી માટે બાળા શોધે
જન્મે તો થાતો અત્યાચાર છે ?
પૈસા માટે વકીલ બને
જે ભૂલાવે બળાત્કાર છે !
છતાંય, કહેવું. . . . . .
ડોનેશનથી ડીગ્રી મળે
ગ્રેટ લાવનારની દુકાન છે ?
માં-બાપ ઘરમાં આંસુ સારે
કે, વિદેશ માંહે સંતાન છે !
છતાંય,કહેવું . . . .
આજ, ક્યાં ગયો કૃષ્ણ પેલો ?
ને ક્યાં ખોવાયો એ રામ છે !
શ્રવણ શું સુધી-બુધ ખોઈ બેઠો ?
અર્જુન ચઢાવ, એ તારું જ બાણ છે
છતાંય, શાને કહેવું પડે ?
લ્યો, આપણું ભારત મહાન છે.
છું ભારતવાસી હું ને
એ વાતનું મને ગુમાન છે.
મેં તો કહ્યું જે મનમાં હતું
હે ! આપનું શું અનુમાન છે ?
છતાંય, કહેવું પડે છે ?
કે, મારું ભારત મહાન છે.
