ભાગતી દુનિયા

ભાગતી દુનિયાને જોઈ ભાગવું પણ પડે,

સ્પર્ધાત્મક યુગમાં રોજ દોડવું પણ પડે,

લાગણી અને પ્રેમને કોઈવાર નેવે ચઢાવીને,

દુનિયામાં ક્યારેક એકલા ચાલવું પણ પડે,

કહેવત છે અહીં કે ન બોલે તેના નવ ગુણ,

પણ કયારેક ઈજ્જત માટે બોલવું પણ પડે,

હંમેશા કોઈને પણ જીત નથી મળતી અહીંયા,

અહીં કયારેક હારનું પાણી પચાવું પણ પડે,

"સરવાણી" આ દગાખોરોનો જમાનો છે,

અહીં કયારે પોતાનાંથી જ સાચવું પણ પડે.