બાપુજી
બાપુજી
પાંચ આંગળીઓ સરખી નથી હોતી પણ એ બધા લોકો ને સાથે લઈને કેમ કામ કરવું એ અમારા બાપુજી જાણતાં...
એક તાંતણે બધાને બાંધી રાખતાં એ અમારા બાપુજી...
મન દુઃખ હોય કદાચ તો પણ તેમનો પડતો બોલ ઝીલી લે એવી ધાક રાખતાં એ અમારા બાપુજી...
પ્રશ્ન કુટુંબનો હોય કે સમાજનો
સમાધાન માટે હંમેશા તૈયાર અમારા બાપુજી...
કોઇ ગમે તેટલા મોટા થઈ ગયા હોઈ
પણ બાપુજી સામે તો બાળક જ રહેતાં
"માન " ની વાત આવે ત્યાં માથું ઝૂકી જતું એ અમારા બાપુજી...
હવે વાતો અને યાદો એમની સાથે રાખીને ચાલવાનું છે બધાં એ;
ક્યારેય ભૂલા ના પડાય એવી રાહ બતાવી ગયા છે એ અમારા બાપુજી...
એક સમયે તો દરેકે વિદાય લેવી જ પડતી હોય છે!
જતાં જતાં બધા ને એક મંઝિલ સુધી પહોંચાડી ગયા છે, એ અમારા બાપુજી...
એ નિખાલસ વ્યક્તિત્વને કવિતામાં કંડારવુ શકય નથી, પુસ્કત લખાય તો પણ શબ્દો ઓછા પડે, એવા એ અમારા બાપુજી.