બાળપણની મસ્તી

એક બાળપણની મસ્ત મદિરાની પ્યાલી મેં જે પીધી છે,

જેની યાદની હિચકી જુવાનીમાં ને ઘડપણમાં પણ લીધી છે..

ખૂબ જ નટખટ જવાની ને વાતો પણ બહુ અટપટી,

બાળપણામાં સ્નેહ ગોઠડીની વાતો સહેલી સીધી છે..

એક બાળપણની મસ્ત મદિરાની પ્યાલી મેં જે પીધી છે..

રસભરી સહુ વાતો બાળપણાંની ગાંડી-ઘેલી અમી ભરી,

બાળસખીને બાળસખાની યાદો હ્દયમાં મઢી દીધી છે.

એક બાળપણની મસ્ત મદિરાની પ્યાલી મેં જે પીધી છે..

ફેર ફુંદરડી, નદી - તળાવ, આંધળો પાટો રમતો યાદ કરીને જીવું,

બસ, એજ ખજાનો યાદોનો, જેને મને સમૃદ્ધ કીધી છે..

એક બાળપણની મસ્ત મદિરાની પ્યાલી મેં જે પીધી છે.