બીજું કોઈ નહીં પણ પિતા

વાદળી કાળી જ્યારે છવાયે, કુટુંબ કેરો ભાસ્કર થઈ જાયે,

દુઃખની છાયા જ્યારે મંડરાયે, ત્યારે તેજ - કિરણ થઈ જાયે..

         એ બીજું કોઈ નહીં પણ પિતા..

ફૌલાદ જેવું જિગર રાખે, કન્યા વિદાય ટાણે મીણ થઈ જાયે,

        એ બીજું કોઈ નહીં પણ પિતા..

પુત્રને નાનપણાંમાં આંખો બતાવે, સાચો - ખોટો રસ્તો સમજાવે,

થાય જુવાન પુત્ર ત્યારે સખો બનાવે, ખભે હાથ મૂકી દુનિયાદારી સમજાવે,

      એ બીજું કોઈ નહીં પણ પિતા..

કંટક પર પોતે ચાલીને, સૌને માટે ફૂલ બિછાવે,

થઈ બાગબાન સૌનો, હસતે મોઢે ફરજ નિભાવે,  

        એ બીજું કોઈ નહીં પણ પિતા..

બદલાયે ઋતુ, વર્ષ, મહિના, પણ એ તો બદલાય કદીના..

     એ બીજું કોઈ નહીં પણ પિતા..