અસ્તવ્યસ્ત ન રાખ
અસ્તવ્યસ્ત ન રાખ
મળ્યો માનવ દેહ, એથી વિશેષ રૂપ
સુંદર ધરા, ને આમ તારું સુંદર રૂપ
ઈશ્વરે આપી જિંદગી, અસ્તવ્યસ્ત ન રાખ,
પતંગિયા રંગબેરંગી ફૂલોને સંગ
આભે સૂરજ તારા, મેઘધનુષ રંગ
ઈશ્વરે આપી જિંદગી, અસ્તવ્યસ્ત ન રાખ,
મળ્યું સુંદર ઘર, સુંદર પરિવાર
સંપ અને સહકાર વિના ન શોભે પરિવાર
ઈશ્વરે આપી જિંદગી, અસ્તવ્યસ્ત ન રાખ,
ગોઠવણ થકી જ શોભે કબાટ ને રૂમ
એના વિના લાગે રઝળતું બધું ઝુમ
ઈશ્વરે આપી જિંદગી, અસ્તવ્યસ્ત ન રાખ,
માનવ દેહને મળ્યું બુદ્ધિ તણું ઘરેણું
ઉપયોગ થકી એના બનાવીએ અમોલું
ઈશ્વરે આપી જિંદગી, અસ્તવ્યસ્ત ન રાખ.