મા એટલે ?
મા એટલે ?
મા એટલે કોણ ?
ચોવીસ કલાક બાળક માટે જે રહે જાગતી સદા,
છતાં બાળકની પાછળ નામ બોલાવે પિતાનું
એ હોય મા,
જેના વ્હાલથી બાળકને સતત નવડાવે
દરેક વાતને પ્રેમથી જે સમજાવે
એ હોય મા,
સાંજ શણગાર સર્વે ત્યજીને
બાળકને રાજા જે બનાવે
એ હોય મા,
રાત દિન કામ કરતા કરતા
બાળકને મહેસૂસ જે રાખી જાણે
એ હોય મા,
ભલે ને રહે પોતે નિરક્ષર
બાળકને સર્વસ્વ શીખવી જાણે
એ હોય મા,
ભલે ને ચિરાઈ જાય પેટ આખું
છતાં ઈચ્છે બાળકને મળે સુખ ઝાઝું
એ હોય મા,
શેરી પાદરમાં રમતાં બાળકને
ઘડી ઘડી જોઈ જે આનંદ અનુભવે
એ હોય મા,
બાળક જ્યાં પાપા પગલી માંડે
આકાશમાં ઊડવાની ખુશી એ માણે
એ હોય મા.